Rreth 120 izraelitë bastisin kompleksin e Xhamisë Al-Aksa në Kuds

15:46 | 8 Korrik 2021
A. B.

Dhjetëra kolonë izraelitë sot hynë me forcë në kompleksin e Xhamisë Al-Aksa në Kudsin Lindor të okupuar.

Në një deklaratë, Departamenti i Vakëfit Islam në Kuds tha se 122 kolonë hynë në vendin e ndjeshëm nën mbrojtje të policisë izraelite.

Zakonisht, kolonët izraelitë bastisin kompleksin çdo ditë në mëngjes dhe pasdite përmes Portës së saj Al-Mughrabi, në jugperëndim të xhamisë.

Policia izraelite filloi të lejonte inkursionet e kolonëve në vitin 2003, megjithë dënimet e përsëritura nga Departamenti i Vakëfit Islam në Kuds.

Xhamia Al-Aksa është vendi i tretë më i shenjtë në botë për muslimanët. Hebrenjtë e quajnë zonën “Mali i tempullit”, duke pretenduar se aty në kohërat antike ishin dy tempuj hebrenj.

Izraeli pushtoi Kudsin Lindor, ku ndodhet Al-Aksa, gjatë Luftës Arabo-Izraelite në vitin 1967. Izraeli aneksoi të gjithë qytetin në vitin 1980, një lëvizje e cila kurrë nuk u njoh nga komuniteti ndërkombëtar. /AA

Shpërndaje në rrjete sociale

Lajmet më të lexuara

Të ngjashme

Foto lajm